Och dëst Joer hu verschidde Klassen aus dem LJBM um “Maach Math” deelgeholl. Dëst ass ee Wettbewerb, bei deem déi jeeweileg Klass eng Rei mathematesch Aufgabe gestallt kritt, déi d’Schüler da komplett eleng léise sollen. Dobäi mussen d’Schüler souwuel d’Opdeelung a Gruppen an d’Organisatioun ewéi och déi eigentlech Léisung vun de Problemer iwwerhuelen. 2 Klassen aus eisem Lycée (d’6G1S an d’5G1S, 2 vun eise Scientifique-Klassen) hu sech fir d’Finall qualifizéiert, dat heescht, si waren ënnert deenen 3 beschte Klassen aus dem Land an hirer Kategorie. Dës Finall fënnt nächsten Donneschden, den 13. Juni, um Geesseknäppche statt. Mir wënschen hinne vill Gléck an drécken natierlech ganz fest d’Daumen!