E Freideg ware mir mat eisen BTS-Formatioune Bâtiments et Infrastructures, BIM a Professions Immobilières um Job&Talk Day 2025 am Lycée Hubert Clément dobäi! 😃 Et war eng super Geleeënheet, fir méi iwwert eis Studiegäng gewuer ze ginn an direkt mat eisen Experten ze schwätzen. ...😊
Weider Méiglechkeeten ginn et och nach:
- 29.3.2025 (10:00 -12:00): REELCD 2025 am Lycée classique de Diekirch
- 3.4.2025 (15:00 -17:00): Lycée Guillaume Kroll

Ausserdeem sinn och d'Portes Ouvertes vum LJBM de 16. a 17. Mee 2025 natierlech e perfekte Moment, fir mat de Responsabelen iwwer eis Formatiounen an hir Zukunftsperspektiven ze schwätzen. Kommt laanscht an entdeckt Är Karriärméiglechkeeten! 🙂

Eis Bauzeechnerklassen DC2DB an DC3DB waren op eng Visitt vum Syndicat Intercommunal de Dépollution des Eaux Résiduaires du Nord (SIDEN) op d'Bleesbrëck bei Dikrech. Do kruten eis Schüler gewisen, wéi eist verschmotzten Ofwaasser aus quasi dem ganzen Norde vum Land rëm esou gerengegt ...gëtt, dass et rëm dem natierleche Waasserzyklus, an dësem Fall der Sauer, zeréckgefouert ka ginn. 🙂 Mir soen dem SIDEN e grousse Merci fir déi opschlossräich Visitt. 😊

Save the date! 👉 De 25.3. ass déi 6. Editioun vun der BNE-Foire, der Foire fir „Bildung fir nohalteg Entwécklung“. D'Event fënnt am Forum Geesseknäppchen statt. De ganzen Dag iwwer ginn et do vill interessant Saachen ze gesinn. Den LJBM ass erëm mat engem Stand vertrueden a weist ...2 flott Projete méi am Detail. 😃 Kommt roueg bis laanscht kucken, eis Schüler an Enseignanten géife sech freeën! 😊

Och dëst Joer hu 4 vun eise Schüler hire Mérite Jeunesse erfollegräich ofgeschloss. 🙂 Mir gratuléieren dem Thalia, dem Brice, dem Emma an dem Claire fir hire gepackte Mérite Jeunesse. 👏😃 De Mérite steet fir Engagement an Duerchhalverméigen an de Beräicher Sport, Skills a ...Benevolat. Eis Schüler hu bewisen, dass si bereet sinn, sech fir sech an och fir anerer anzesetzen. 👍😊

Och um 2. Dag vun eise Science Days hate Schüler aus dem Cycle 4.1 a 4.2 vill Spaass un de Wëssenschaften. 😃 Du hues dëse flotte Moment verpasst? Da komm op eis Portes ouvertes de 16. a 17. Mee, do kanns du och u flotten an interessanten Atelieren deelhuelen. 🤓

D’Spannung war grouss, wéi de leschten Dënschdeg d’Resultat vum Workshop fir d’LUGA annoncéiert gouf. 😀 Begleet vun hire Klassekomerode kruten d’Schüler, déi matgemaach hunn, d’Kommentaren zu den eenzele Projete vum Direkter Här Belling an dem Här Kries, Sous-Direkter, ...virgelies. Déi Responsabel vun der LUGA ware voller Luef fir all d’Projeten an hunn et schwéier gehat, e Choix ze treffen. 👏
D’Originalitéit, d’Funktionalitéitan d’Machbarkeet hunn de Choix op de Projet "GreenWave" fale gelooss. 🙌 D’Ekipp mécht sech elo houfreg un d’Ausschaffe vu méi detailléierte Pläng, op Basis vun deenen hire Projet ka gebaut ginn. 🤓
Enger zweeter Ekipp gouf proposéiert, hir Iddi weider an d'Richtung Vëlosstänner z'entwéckelen. Och si freeë sech iwwer dës grouss Chance, hire Projet realiséiert ze gesinn. ☺️
Nieft de flotte soziale Momenter wärend dem Workshop an den interessanten Echangë mat Leit aus der Beruffswelt ass de Bau vun engem Projet natierlech eng ganz aussergewéinlech Belounung fir d’Schüler. 😃 Gespaant waarde si elo op d’Ouverture vun der LUGA, fir déi vill interessant Installatioune ronderëm d'Stad an d’Nordstad z'entdecken.